Lankamuslim.org

Archive for ஜூன் 25th, 2009

மூன்று வருடத்துக்குள் வடக்கில் 325,000 புதிய வீடுகள்

மூன்று வருட வேலைத்திட்டத்திற்கமைய வடமாகாணத்தில் புதிதாக 325,000 வீடுகள் அமைக்கப்படவிருக்கும் அதேநேரம், அங்கு 150,000 வீடுகள் புனரமைத்துக் கொடுக்கப்படும் என ஜனாதிபதி செயலகம் அறிவித்துள்ளது. மோதல்களால் பாதிக்கப்பட்ட பகுதிகளின் அபிவிருத்தி தொடர்பாக, வடக்கின் அபிவிருத்திக்கான ஜனாதிபதி விசேட செயலணிக் குழுவின் தலைவரும், ஜனாதிபதியின் சிரேஷ்ட ஆலோசகருமான பசில் ராஜபக்ஷ தலைமையில் கடந்த ஞாயிற்றுக்கிழமை சந்திப்பொன்று நடைபெற்றுள்ளது. இந்தச் சந்திப்பில் மோதல்களால் பாதிக்கப்பட்ட வடபகுதியின் பெருந்தெருக்கள், மின்சார விநியோகம், வீடுகள், நீர் விநியோகம், விவசாயம், சுகாதாரம் மற்றும் கல்வி அபிவிருத்திகள் போன்ற பல்வேறு விடயங்கள் பற்றி ஆராயப்பட்டன. தற்பொழுது முன்னெடுக்கப்பட்டிருக்கு துரித அபிவிருத்தித் திட்டத்தின் கீழ் ஏ மற்றும் பீ தர வீதிகளைப் புனரமைப்பதற்கென ஏற்கனவே 72 மில்லியன் ரூபாய்கள் ஒதுக்கப்பட்டிருப்பதுடன், இந்த வீதி அபிவிருத்திப் பணிகள் 180 நாட்களில் பூர்த்தியடையுமென எதிர்பார்க்கப்படுகிறது. அதேநேரம், மூன்று வருட வேலைத்திட்டத்தின் கீழ் 11.5பில்லியன் ரூபா செலவில் 325,000புதிய வீடுகள் அமைப்பதற்கும், 150,000வீடுகளைப் புனரமைப்பதற்கும் இந்தக் கூட்டத்தில் தீர்மானிக்கப்பட்டது. முன்னுரிமை அடிப்படையில் இந்தப் பகுதிகளுக்கு மின்சாரம் மற்றும் நீர் வசதிகள் செய்துகொடுக்கப்படும் என பசில் ராஜபக்ஷ தெரிவித்தார்.

thenee.com

Advertisements

Written by lankamuslim

ஜூன் 25, 2009 at 5:39 பிப

பொது செய்திகள் இல் பதிவிடப்பட்டது

வணங்காமண் கப்பலுக்கு இலங்கை அனுமதி

முதல்-அமைச்சர் கருணாநிதியின் முயற்சி வெற்றி: வவுனியா முகாம்களில் உள்ள தமிழர்களுக்கு நிவாரண பொருட்கள் ஏற்றி வந்த வணங்காமண் கப்பலுக்கு இலங்கை அனுமதிமுதல் – அமைச்சர் கருணாநிதி மேற் கொண்ட முயற்சியை தொடர்ந்து, இலங்கை தமிழர்களுக்காக வணங்காமண் கப்பலில் கொண்டு வரப்பட்ட நிவாரண பொருட்களை ஏற்றுக் கொள்ள இலங்கை அரசு சம்மதம் தெரிவித்து உள்ளது. இதற்கான உறுதிமொழியை வெளியுறவு மந்திரி எஸ்.எம். கிருஷ்ணாவிடம் ராஜபக்சேயின் தூதர்கள் அளித்தனர்.

thenee.com

Written by lankamuslim

ஜூன் 25, 2009 at 5:36 பிப

பொது செய்திகள் இல் பதிவிடப்பட்டது

நடந்து வந்த பாதை

leave a comment »

Written by lankamuslim

ஜூன் 25, 2009 at 5:05 பிப

முஸ்லிம் செய்திகள் இல் பதிவிடப்பட்டது

சவூதிக்கான இலங்கைத் தூதுவர் அப்துல் மஜித் முகமட் காலமானார்!

சவூதி அரேபியாவிற்கான இலங்கைத் தூதுவர் அப்துல் மஜித் முகமட் நேற்றையதினம் காலமானதாக வெளிவிவகார அமைச்சு தெரிவித்துள்ளது. ஜேர்மனியில் இடம்பெற்ற இந்து சமுத்திர நாடுகளின் பிராந்திய மாநாட்டில் கலந்து கொள்வதற்காக உத்தியோகபூர்வ விஜயம் மேற்கொண்டிருந்த வேளையிலேயே அவர் உயிரிழந்துள்ளார். அவர் கடந்த 2008ம் ஆண்டு மார்ச் 24ம் திகதி சவூதி அரேபியாவுக்கான இலங்கைத் தூதுவராக நியமிக்கப்பட்டார். அவர் காலமாகும்போது அவருக்கு வயது 71வயது என அறிவிக்கப்பட்டுள்ளது.

Written by lankamuslim

ஜூன் 25, 2009 at 6:24 முப

பொது செய்திகள் இல் பதிவிடப்பட்டது

ஈரானில் கைதான இலங்கையர்!

ரானில் அந்நாட்டு அரசுக்கெதிரான போராட்டங்களில் பங்கேற்றதாக குற்றஞ்சாட்டப்பட்டு இரு இலங்கையர்கள் கைது செய்யப்பட்டுள்ளனர். ஈரானிய ஜனாதிபதி தேர்தல் முடிவடைந்த பின் தேர்தல் முடிவை ஆட்சேபித்து எதிர்க்கட்சிகளால் பாரிய ஆர்ப்பாட்டங்கள் முன்னெடுக்கப்பட்டு வருகின்றன. இதன்போது பொலீசார் நடத்திய துப்பாக்கிச்சூட்டில் 10ற்கும் மேற்பட்டவர்கள் கொல்லப்பட்டுள்ளனர். இந்நிலையில் இலங்கையர்கள் இருவர் நேற்று கைதுசெய்யப்பட்டுள்ளனர். இவர்கள் ஆர்ப்பாட்டத்தில் பங்கேற்றிராத போதிலும் ஆர்ப்பாட்டம் இடம்பெற்ற பகுதியிலுள்ள வீடுகளில் வசித்து வந்துள்ளனர். இந்நிலையிலேயே இவர்கள் கைது செய்யப்பட்டுள்ளனர். இவர்கள் நீதிமன்றில் ஆஜர்படுத்தப்படும்போது அவர்களை விடுவிக்க நடவடிக்கை எடுக்கப்படுமென ஈரானுக்கான இலங்கைத் தூதரகம் கூறியுள்ளது.

Written by lankamuslim

ஜூன் 25, 2009 at 6:21 முப

பொது செய்திகள் இல் பதிவிடப்பட்டது

அன்பான என் அமெரிக்கா? பாடல்!

Written by lankamuslim

ஜூன் 25, 2009 at 5:17 முப

வகைப்படுத்தப்படாதது இல் பதிவிடப்பட்டது