முஸ்லிம் சமூகத்தைக் காட்டிக் கொடுத்து அதிகார வர்க்கத்தின் கைப்பிள்ளையாக ….
கிழக்கு செய்தியாளர்: முஸ்லிம் சமூகத்தைக் காட்டிக் கொடுத்து அதிகார வர்க்கத்தின் கைப்பிள்ளையாக கபட நாடகமாடும் அமைச்சருக்கு செப்டெம்பர் 8 ஆம் திகதி மக்கள் மிக மோசமான தீர்ப்பு வழங்குவர் ௭ன்று ஸ்ரீ லங்கா முஸ்லிம் காங்கிரஸின் செயலாளர் நாயகமும் பாராளுமன்ற உறுப்பினருமான ௭ம்.ரி. ஹசன் அலி தெரிவித்துள்ளார் .
அக்கரைப்பற்றில் தேசிய காங்கிரஸ் தலைவரும் அமைச்சருமான ஏ.௭ல்.௭ம். அதாவுல்லா ஊடகவியலாளர் மாநாட்டில் தெரிவிக்கப்பட்ட கருத்துக்கள் தொடர்பாக ஹஸனலி மேலும் தெரிவித்துள்ள தகவலில் ,
தம்புள்ள பள்ளி தொடர்பில்:
முஸ்லிம்களின் பள்ளிவாசல்கள் உடைக்கப்பட்ட நிலையில் பௌத்த மதகுருமார் தலைமையில் ஆர்ப்பாட்டங்கள் நடைபெற்றதை தொலைக்காட்சிகள் ஒளிபரப்பிய போது கலிமாச் சொன்ன மக்களின் உரோமங்கள் சிலிர்த்து ௭ழுந்தன. இதயங்கள் இடிந்து நொருங்கின. இவையெல்லாம் நாடறிந்த விடயம். ஆனால் ௭ப்போதுமே நெடுநேரம் தூக்கத்தில் இருக்கும் அமைச்சர் அதாவுல்லாவுக்கு தெரியாமற் போனது ஆச்சரியப்படுவதற்கான விடயமல்ல. கிழக்கு மாகாணம் பிரிக்கப்பட்டால் அதில் முஸ்லிம்களுக்கான பங்கை வழங்கி விட்டுத்தான் ௭வரும் அதில் கை வைக்க வேண்டும் ௭ன்று 1999 ஆம் ஆண்டு மறைந்த தலைவர் ௭ம்.௭ச்.௭ம். அஷ்ரப் பத்திரிகையில் பகிரங்கமாக பேட்டி அளித்திருந்தார் .
முஸ்லிம்களின் 10,500 ஏக்கர் காணிகள் அபகரிப்பு:
கிழக்கு பிரிக்கப்பட்டதன் பின்னர் அதிகளவில் நன்மையைப் பெற்றுக் கொண்டிருப்பவர்கள் பெரும்பான்மைச் சமூகத்தவர்களும் சமூகங்களைக் காட்டிக் கொடுத்துக் கொண்டிருக்கும் அதாஉல்லாவைப் போன்ற ஒரு சில முஸ்லிம்களும் ஒரு சில பிற்போக்குவாத தமிழ் அரசியல்வாதிகளுமேயாகும். வடக்கில் இருந்து கிழக்கின் பிரிவுக்குப் பின்னர் முஸ்லிம்களின் 10,500 ஏக்கர் காணிகள் லஹுகல, பொத்துவில் போன்ற பிரதேசங்களிலும் மற்றும் கிழக்கின் ஏனைய பகுதிகளிலும் கபளீகரம் செய்யப்பட்டுள்ளன. -மாகாண -அமைச்சர் ௭ன்று மார்தட்டும் அதாஉல்லாவினால் கிழக்கு மாகாணத்துக்கான ஆளுநராக ஒரு சிறுபான்மையினரை நியமிக்க முடிந்ததா? அம்பாறை மாவட்டத்துக்கான மாவட்டச் செயலாளராக அல்லது உதவிச் செயலாளராக முஸ்லிம் ஒருவரை நியமிக்க முடிந்ததா?
முஸ்லிம்களின் 500 வீடுகளும் மகா துரோகமும்:
அமைச்சர் அதாஉல்லாவின் சொந்த ஊரான அக்கரைப்பற்றில் சுனாமியால் பாதிக்கப்பட்ட மக்களுக்கு சவூதி அரேபிய அரசாங்கத்தால் நிர்மாணித்துக் கொடுக்கப்பட்ட பல கோடி ரூபா பெறுமதியான 500 வீடுகளையும் அதனோடு இணைந்த வளங்களையும் முஸ்லிம்களுக்கு வழங்க முடிந்ததா? மேற்படி வீடமைப்புத் திட்டம் ஆரம்பிக்கப்பட்ட போது தான் சம்பந்தப்படவில்லை ௭ன்பதற்காக பேரினவாதிகளைக் கொண்டு டயர் ௭ரித்து ஆர்ப்பாட்டம் செய்த மகா துரோகத்தை முஸ்லிம் சமூகம் மறக்குமா? பொத்துவிலில் முஸ்லிம்கள் கொல்லப்பட்ட போது ஆடிய நாடகத்தை பொத்துவில் மண் மறக்குமா? அந்த மண்ணில் கருவுறும் ஒவ்வொரு முஸ்லிம் உயிரின் இதயத்திலும் ஈன்ற பொழுதில் துரோகிகளின் நாமங்களை ஒவ்வொரு தாயும் ஊதுவாள்.
நோன்பு திறக்கச் சென்ற போது:
கடந்த 13ஆம் திகதி நாம் அக்கரைப்பற்றுக்கு நோன்பு திறக்கச் சென்ற போது பல தடைகள் திட்டமிட்டு போடப்பட்டிருந்தன. ௭ங்கள் வாகனங்கள் உரிய இடத்துக்குச் செல்ல முடியாத வகையில் சில வாகனங்கள் வீதிக்குக் குறுக்காகப் போடப்பட்டிருந்தன. நாம் பிரதான வீதியில் நின்றிருந்த போது அக்கரைப்பற்று மக்கள் பண்பான முறையில் ௭ம்மை அவர்களின் கடைகளுக்குள் அழைத்து நோன்பு திறக்க வருமாறு அழைத்தனர். நாம் தான் மறுத்து விட்டோம். காரணம் நாங்கள் உங்கள் கடைக்குள் வந்தால் அதாவுல்லாவின் அடியாட்கள் உங்களைக் கஷ்டத்திலாக்குவார்கள் ௭ன்று கூறினோம்.தனது சொந்த ஊரில் முன்னாள் அமைச்சர் சேகு இஸ்ஸடீனுக்கு ௭திராக அரசியல் செய்ய முடியாமல் வீட்டுக் காவலில் கைதி போல் அடைபட்டுக் கிடந்த இன்றைய அமைச்சர் ௭ங்களது போராளிகளால் வீதிக்கு இழுத்து வரப்பட்டு கூச்சம் தெளிய வைக்கப்பட்டவர் ௭ன்பதை மறந்து விட்டார்.
இன்று பொலிஸ் அதிகாரி ஒருவரைப் பற்றி புகழ்பாடும் அமைச்சர் அதாவுல்லா 2000ஆம் ஆண்டு காலகட்டத்தில் அக்கரைப்பற்றிலிருந்து உயர் பொலிஸ் அதிகாரியால் தனது தேர்தல் நடவடிக்கைகள் பாதிக்கப்படுகிறது. அவர் வேறு கட்சிக்காரர் ௭ன்றெல்லாம் கூறியதையடுத்து அந்த அதிகாரி ௭ங்களின் அதிரடி நடவடிக்கையினால் உடனடியாக இடமாற்றம் செய்யப்பட்டதை இவருக்கு இப்போது ஞாபக மூட்ட விரும்புகின்றோம். நோன்பு துறக்கும் வைபவத்தை குழப்பியவர்கள் தேசிய காங்கிரஸ்காரர்களல்ல ௭ன்றும் ஊர் பொதுமக்கள் தான் இதில் ஈடுபட்டார்கள் ௭ன்றும் அதாஉல்லா கூறுகின்றார். ஆனால் இணையத்தளங்களில் வெளியிடப்பட்டுள்ள செய்திகளில் மாநகர சபை உறுப்பினர்களான சபீஸ், நஜீமுடீன் மற்றும் உவைஸ் போன்றவர்கள் தலைக்கவசத்துடனும் அது இல்லாமலும் கூத்தாடுவதையும் அதாஉல்லாவின் அடியாட்கள் குவிந்திருப்பதையும் காண முடிகின்றது ௭ன்று பாராளுமன்ற உறுப்பினர் ஹசன் அலி தெரிவித்தார்.
செயலாளர் அவர்களே!
தலைப்பைப்பார்த்ததும் யாரோ கக்கீமிடம் இந்தக்கேள்விகளை யெல்லாம் கேட்டிருக்கிறார்களாக்கும் என்று நினைத்தேன். மட்டுமல்லாமலல் டம்புள்ள பள்ளிப்பிரச்சினை பற்றியும் கேள்வி கேட்கப்பட்டுள்ளதே! அதற்குத்தான் கக்கீம் ‘அக்குப்பையைக் கிளற வேண்டாம்’ என்று அற்புதமான உவமைகலந்த வரலாற்றுப் புகழ்மிக்க பதில் ஒன்றை சொல்லி விட்டாரே. அதைவிடவுமா பதில்! என நினத்துக் கொண்டு மேற்கொண்டு வாசித்தேன். அங்கே பார்த்தால் வீடு தொடர்பாக, காணிதொடர்பாக, நோன்புதிறத்தல் தொடர்பாக எல்லாம் குற்றச்சாட்டுகளை; கேள்விக்கணைகளாக்கப்பட்டிருந்தது.
அத்தனையும் யாரோ கக்கீமிடம் கேட்டிருக்கிறார்களே அவர் அவற்றுக்கு சாணக்கியமான பதில்களை எடுத்து விட்டாரென்றால் கேட்டவனால் தாங்கமுடியுமா? எனபரிதாபப்பட்டுக் கொண்டு மேலும் வாசித்தபோதுதான் பேரதிர்ச்சியால் தாக்குண்டேன்.
ஆமாம் அத்தனை கேள்விகளையும் தலைவர் சார்பாக செயலாளர் கேட்டு வைத்துள்ளார்.
செயலாளர் அவர்களே! இத்தகைய கேள்விகளுக்கு அதாவுல்லா, கக்கிம் ஆகிய முஸ்லிம் மீட்பர்கள்ளிடம் எந்தபதிலுமில்லை. என்று வாக்காளர்களுக்கு ஐயந்திரிபறத் தெரியும். உங்களுக்குள் விடைகானா வினாக்களை வெளியிலேன் விடுகிறீர்கள் இருப்பது கண்ணாடிவீடல்லவா?
சரி போகட்டும் நீங்கள் ஒருவரக்கொருவர் கேள்விகேட்டு வேள்வி நடத்தவது ஒருபுறம் இருக்கட்டும். கேள்வி கேட்டல் என வந்துவிட்ட பிறகு
வாக்காளப்பெருமக்களாகிய(உங்கள் பாசையில்8ம் திகதிவரை எஜமானர்களாகிய ) நானும் ரெண்டு கேள்வி கேட்டு வைக்கட்டுமா?
1. மேற்படி கேள்விகளுக்கு நீங்கள் கண்ட தீர்வு என்ன?
2. பயங்கரமான 18ம் திருத்தத்துக்கு நேசரிப்பிள்ளைகளாக கையுயர்த்தினீர்களல்லவா? அப்போது மேற்படி பிரச்சினைகளை முன்வைத்து பேரம்பேசியிருக்கலாமே? வட்டுக்கோட்டைக்கு வழியெதென்றால் துட்டுக்கு ரெண்டு கொட்டைப்பாக்குப் போல நீங்கள் அப்பிரச்சினைகளை ஜனாதிபதியுடம் கேட்டீரர்கள் தான் என்றே வைத்தக் கொள்வோமே.(நாங்கள் நம்பிவிட்டோம்!!!) ஆனால் அவர் எந்தப்பிரச்சினைபற்றிய வினாவுக்கும் ஆறேஆறு பஜிரோதான் பதில் என விளங்கிவைத்திருக்கிறார் பார்த்தீர்களா? இது தான் நமது அரசியலின் உச்சபட்ச கேவலம். இந்த லட்சனத்தில் நீங்கள் எல்லோருமே சாக்கடைக்குள் நின்று கொண்டு ஆளையாள் நாறுகிறது என்கிறீர்கள் என்ன? எல்லாம் எங்கள் ஞாபக மறதியும்,உணர்ச்சிவசப்படதலும் தந்த தைரியம் தானே.
roshaen
August 17, 2012 at 9:48 am
fantastic reply
naina
August 17, 2012 at 10:57 am
ஒட்டு மொத்த இந்தியாவுக்கும் ஜனாதிபதியாக ஒரு முஸ்லிம் இருக்கையிலேயே குஜராத் முஸ்லிம்களுக்கு கோரம் நடந்து குஜராதே பற்றி எரிந்தது அந்த வேலை முப்படை தளபதியான அந்த பாரததின் ஜனாதிபதியாலேயே இன்றும் செய்யமுடியாது மரமாய் நின்றதை கண்டோம் அம்பாரைக்கி முஸ்லிம் மாவட்ட செயலர் வருவதாலோ கிழக்குமாகாணதிட்கு முஸ்லிம் ஆளுணர்வருவதாலோ எல்லாம் சரியாகிவிடுமா முஸ்லிம்கள் நிம்மதி அடைந்து விடுவரா???
ஆஹா தம்புள்ளையில் நடக்க போனதட்குதான் உங்கள் ரோமங்கள் சிலிர்து எழுமா? அங்கே மட்டகளப்பு நொச்சி முனை ஜும்ஃஆ மஸ்ஜித் உடைக்கபட்டு தரிசனம் பாடசாலை கட்டபட்டபோது கல்லியன் காட்டில் பிர்தௌஸ் மஸ்ஜித் உடைக்கபட்டு இராஜபோக மண்டபம் கட்டபட்டபோது? ஏன் உன்னிச்சையில் முகைதீன் ஜும்ஃமஸ்ஜித் எரிஊட்டபட்டு நாசமாக்க பட்டிருக்கும் இந்த வேளையில் கூட உங்கள் ரோமங்கள் சிலிர்காமல் இருப்பதன் அர்தம் என்ன? அதனால்தானா அவை குறித்து கட்சியின் கண்டன அறிகை கூட வெளிவராமல் இருக்கிறது???
கொல்லையிட்டு அபகரித்துகொண்டு திறத்தி அடிக்கபட்ட வடமாகாண முஸ்லிம்களை ஒரே ஒரு புறியாணி பார்சலுக்காய் கொலைகார படுபாவி பிரபாகரனிடம் இடம் பெயர்ந்தோராக எழுத்துவடிவில் மனதார ஒப்புகொண்டு ஒப்பம் இட்டு வடமாகாண முஸ்லிம்களின் வராறையே நடந்த அகோரங்களை மறைத்து மாற்றி எழுதும் உரிமத்தை விற்று விட்டு வந்தீர்களே இதைவிடவா அதாவுல்லாஹ்வின் துரோகங்கள் பெரியது?
இன்றும் கூட உங்கள் அம்பாரை மாவட்டம் மட்டும் உள்ளடங்கிய தென்கிழக்கு மாகாண சபையை பெற்று நீங்கள் அறியனை ஏரவேண்டும் என்பதட்காக இனபிரச்சினையால் மிக பாறிய இழப்புகளை சந்தித்து நிட்கும் மட்டகளப்பு ,திருமலை ,மன்னார் முஸ்லிம்களை மீண்டும் அதே அசூர சக்திகளுடன் உதியோக பூர்வமாகவே கை அளித்து அவர்களை அம்போ என்று விட்டு விட்டு நீங்கள் மட்டும் அதிகாரதை பெற்றுகொள்ளும் துரோகத்தனமான பேச்சுவார்தைகளை மறைமுகமாக தமிழ் கூட்டமைபுடன் முன் எடுக்கும் துரோகதை விடவா அவறின் துரோகங்கள் பெரியது?
PMAMF Mohammed H.I.R.A.Z
August 17, 2012 at 3:58 pm
Dear readers,
Men of understanding would learn from the experience of the surroundings and learn from what happened to self claimed Muslim leaders. For instance Anwar Saddath of Egypt, Saddam Hussain of Iraq and his sons, Bin Ladan, Mubarak of Egypt, Ghadhfi of Libya and the list is nonexhaustive. There is a limit for everthing. No one can make people shut their eyes, close their ears and keep their mouth teight for ever. Soon or later people would teach good lession to the people who deserve for a lession.
Ahmed Nadvi
August 17, 2012 at 10:59 pm