Lankamuslim.org

தமிழ் தேசியக் கூட்டமைப்பு தலைவர் இரா.சம்பந்தனுக்கும் ஜனாதிபதி மஹிந்த ராஜபக்ஷவிற்குமிடையில் நேற்றிரவு அலரி மாளிகையில் சந்திபொன்று இடம்பெற்றுள்ளது.ஜனாதிபதித் தேர்தலில் தமிழ் தேசியக் கூட்டமைப்பின் ஆதரவை பெறும் வகையில் இதற்கான அழைப்பு ஜனாதிபதியினால் விடுக்கப்படடிருந்ததாக தெரிய வருகின்றது. இச்சந்திப்பில் ஜனாதிபதி மஹிந்த ராஜபக்ஷ எதிர்வரும் ஜனாதிபதித் தேர்தலில் தனக்கு அதரவு வழங்குமாறு கோரியதாகவும் தமிழ் தேசியக் கூட்டமைப்பு இது தொடர்பாக கொண்டுள்ள நிலைப்பாட்டை அக்கட்சியைச் சார்ந்தவர்கள் எடுத்துக் கூறியதாகவும் தெரியவருகின்றது.

எதிர்க்கட்சிகளின் பொது வேட்பாளர் ஜெனரல் சரத் பொன்சேகாவின் தேர்தல் பிரசாரத்திற்கு மட்டக்களப்பு நகரில் மைதானம் வழங்க மாநகர முதல்வர் சிவகீத்தா பிரபாகரன் மறுப்பு தெரிவித்துள்ளார். எதிர்வரும் 5ஆம் திகதி பிற்பகல் 1.00 மணி முதல் மாலை 5.00 மணி வரை காந்தி சிலை சதுக்கத்தில் தேர்தல் பிரசாரக் கூட்டம் நடத்துவதற்கு அனுமதி வழங்குமர்று கோரி ஜெனரல் சரத் பொன்சேகாவின் மட்டக்களப்பு மாவட்ட அதிகாரம் பெற்ற தேர்தல் முகவர் சேகுதாவூத் பஷீர் (மாகாண சபை உறுப்பினர்) மாநகர ஆணையாளரிடம் எழுத்து மூலம் விண்ணப்பம் செய்திருந்தார்.

மாநகர ஆணையாளரிடம் இதற்கு விண்ணப்பம் செய்திருந்த போதிலும், அதற்கான பதிலை மாநகர முதல்வரே தங்களுக்கு எழுத்து மூலம் வழங்கியுள்ளதாக சேகு தாவூத் பஷீர் தெரிவித்தார். “குறிப்பிட்ட இடத்தில் முன்கூட்டியே நிகழ்வுகள் நடைபெறுவதற்கு ஏற்பாடு செய்யப்பட்டிருப்பதால் தரமுடியாமைக்கு வருந்துகின்றேன்” என மாநகர முதல்வர் தனது பதிலில் தெரிவித்துள்ளதாக சேகு தாவூத் பஷீர் மேலும் தெரிவித்தார்.

வீரகேசரி

தேசிய காங்கிரஸின் கிழக்கு மாகாண சபை உறுப்பினர் துல்கத் நஸீம் மற்றும் அவரது சகாக்கள் மீது மக்கள் தாக்குதல் நடத்திய சம்பவம் ஒன்று நேற்றுக் காலை கல்முனையில் இடம்பெற்றதாக தெரிகிறது  இது தொடர்பாக கல்முனை மேயர் ஹரீஸ் கூறியவை வருமாறு கல்முனை மாநகர சபையின் வரவு  செலவுத் திட்டம் மீதான விவாதத்தை ஆரம்பித்து வைப்பதற்காக நான் இன்று (நேற்று) காலை 10 மணிக்கு அலுவலகத்திற்கு வந்து கொண்டிருந்தேன். அப்போது தேசிய காங்கிரஸின் கிழக்கு மாகாண சபை உறுப்பினர் துல்கர் நஸீம், அவரது சகாக்கள் சிலரை அழைத்து வந்து என்னை வழிமறித்துத் தாக்க முற்பட்டார். இதைக் கேள்விப்பட்ட மக்கள் ஒன்றுதிரண்டு வந்து நஸீம் மீது தாக்குதல் நடத்தினர். அவர் சிறிது நேரம் மாநகர சபை அலுவலக அறையில் அடைத்து வைக்கப்பட்டு மக்களால் முற்று கையிடப்பட்டிருந்தார்.சம்பவம் இடம்பெற்ற அரைமணி நேரம் கழித்துப் பொலிஸார் சம்பவ இடத்திற்கு வந்தனர். “துல்கர் நஸீமை கைதுசெய்யாவிட்டால் நாம் இங்கிருந்து போகமாட்டோம்”  என்று மக்கள் கூறினர். இதனால், பொலிஸார் அவரைக் கைது செய்தனர். என்ற தகவல் வெளியாகியுள்ளது

இலங்கை தொழிலாளர் காங்கிரஸ் முக்கியஸ்தர்களான சச்சிதானந்தன் மற்றும் ஜேயாகராஜன் ஆகியோர் எதிர் கட்சி கூட்டணியில் இணைந்து கொண்டுள்ளனர்.நேற்று கொழும்பில் நடைபெற்ற விசேட செய்தியாளர் மகாநாட்டில் கலந்து கொண்ட இவர்கள் இருவரும் சரத் பொன்சேகாவிற்கு ஆதரவு வழங்கவுள்ளதாக அறிவித்துள்ளனர்.சச்சிதானந்தன் தற்போதைய அரசாங்கத்தின் பிரதி கல்வி அமைச்சராக பதவி வகித்து வந்தவர் என்பது குறிப்பிடத்தக்கது.

தெரிவு செய்யப்பட்ட 6 நாடாளுமன்ற உறுப்பினர்கள் மற்றும் 2 தேசிய பட்டடியல் உறுப்பினர்களுடன் இருந்த இலங்கை தொழிலாளர் காங்கிரஸ் 4 நாடாளுமன்ற உறுப்பினர்களை கொண்ட கட்சியாக பலவீனமான நிலைக்கு தள்ளப்பட்டுள்ளது. முன்னதாக தொழிலாளர் காங்கிரசில் இருந்து வடிவேல் சுரேஸ்,பைசர் முஸ்தபா,புத்திரசிகாமணி ஆகிய மூன்று பேர் வெளியேறி அரசாங்கத் தரப்பிற்கு தனிப்பட்ட முறையில் ஆதரவு தெரிவித்து வருகின்றனர்.தற்போது மேலும் ஒரு நாடாளுமன்ற உறுப்பினரும் மத்திய குழு உறுப்பினரும் கட்சியில் இருந்த வெளியேறியுள்ளமை கட்சியை பலவீனப்படுத்தியுள்ளதாக அவதானிகள் சுட்டிக்காட்டியுள்ளனர். இதேவேளை அரசாங்கத்தில் அங்கம் வகிக்கும் 19 முக்கிய அமைச்சர்கள் எதிர் கட்சிக் கூட்டணியில் இணைந்து கொள்ளவுள்ளதாக மங்கள சமரவீர தெரிவித்துள்ளார்.

யாழ்ப்பாண முஸ்லிம்கள் வலம்புரி நாளேடின் செய்திக்கு எதிர்ப்பு தெரிவித்து யாழ் ஐந்து சந்தியிலும் யாழ் நகரிலும் வலம்புரி பத்திரிகையை தீயிட்டுக் கொளுத்தி தமது எதிப்பை வெளிட்டனர் யாழ்ப்பாணம் ஐந்து சந்தியில் அமைந்திருக்கும் முஸ்லிம் கொத்து ரொட்டிக் கடை ஒன்றில் நாய் இறைச்சி கண்டுபிடிக்கப்பட்டதாக வலம்புரி நாளிதழிதல் 28.12.2009 ஆசிரியர் தலைப்பு  “நாய்களின் தலை” என்ற தலைப்பில் செய்தி வெளியிட்டது  யாழ்ப்பாணத்தில் வெளிவந்த வலம்புரி நாளேட்டில், ஐந்து சந்தியில் இயங்கி வரும் முஸ்லிம் கொத்துரொட்டிக் கடையொன்றில் நாய் இறைச்சி கண்டுபிடிக்கப்பட்டதாக செய்தி வெளியிடப்பட்டிருந்தது. இதுபற்றி எஸ் . முஹம்மத் சர்ராஜ் குறிபிடும்போது இது யாழ்ப்பாண முஸ்லிம்கள் மீதான வலம்புரி நாளேடின் இரண்டாவது திட்டமிட்ட பொய்யான தாக்குதல் இந்தமுறை  முஸ்லிம்களில் கொத்துரொட்டிக் கடை பற்றி குறிபிட்டுள்ளது என்றார்

இதனால் யாழ் நகர்ப் பகுதி யாழ் ஐந்து சந்தி போன்ற இடங்களில் திரண்ட நூறுக்கும் அதிகமான முஸ்லிம் வணிகர்கள், வலம்புரி நாளிதழிற்கு எதிரான பதாகைகளை தாங்கியவாறு ஆர்ப்பாட்டத்தில் ஈடுபட்டதோடு அதன் இதழ்களை தீயிட்டுக் கொளுத்தியுள்ளனர். இது தொடர்பாக முகமதியா ஜும்மா பள்ளிவாசல் நிர்வாகிகளால் இன்று அறிக்கை ஒன்றும் வெளியிடப்பட்டுள்ளது

யாழ்ப்பாணத்துக்கான ஏ9 பிரதான வீதியில் கடந்த டிசம்பர் 24ம் திகதி முதல் கடந்த (27.12. 2009)  ஞாயிற்றுக்கிழமை வரையில் 2 215 வாகனங்கள் பயணித்திருப்பதாக இராணுவம் தெரிவித்துள்ளது.அந்த வாகனங்களில் 30142 பேர் யாழ்ப்பாணத்துக்கு சென்றுள்ளதாகவும் தெரிவிக்கப்பட்டுள்ளது.ஏ9 பாதை முற்றாக திறக்கப்பட்டதன் பின்னர், பாரிய எண்ணிக்கையிலான பயணிகள் அதன் ஊடாக பயணிப்பதாக இராணுவப் பேச்சாளர் உதய நாணயக்கார தெரிவித்துள்ளா. அவரது தகவலுக்கு ஏற்ப, யாழ்ப்பாணத்தில் இருந்து 16138 பேர் தென் பிரதேசங்களுக்கு பயணித்துள்ளதாக  தெரிவிக்கப்படுகிறது.

முஸ்லிம் காங்கிரஸ் தலைவர் ரவூப் ஹக்கீம் தெரிவித்துள்ளார்:

தடுப்புக்காவலிலுள்ள கே.பி. மூன்று தடவைகள்  அரசினால் வெளிநாட்டுக்கு அழைத்து செல்லப்பட்டிருக்கிறார். அவர் ஏன் அழைத்துச்செல்லப்பட்டார் என்ற தகவலை வெளியிட்டால் நான் நான்காம் மாடிக்கு செல்லநேரிடும். ஆகவே, நான் அதனை இங்கு தவிர்த்துக்கொள்கிறேன் என்று சிறிலங்கா முஸ்லிம் காங்கிரஸ் தலைவர் ரவூப் ஹக்கீம் தெரிவித்துள்ளார்.எதிர்க்கட்சிகளின் பொதுவேட்பாளர் சரத் பொன்சேகாவுக்கு ஆதரவாக கல்முனையில் தேர்தல் பிரசாரத்தை மேற்கொண்ட பின்னர் அங்கு நடத்திய ஊடகவியலாளர் சந்திப்பில் பேசுகையிலேயே அவர் மேற்கண்டவாறு கூறியுள்ளார்.

அவர் அங்கு மேலும் தெரிவிக்கையில் -கைதுசெய்யப்பட்ட கே.பி. கொழும்பில் முன்னாள் அமைச்சர்கள் அனுர பண்டாரநாயக்க மற்றும் ஜீ.எல்.பீரிஸ் ஆகியோர் தங்கிய அமைச்சர்கள் வாசஸ்தலத்திலேயே தங்கவைக்கப்பட்டு விசாரிக்கப்பட்டுவருகிறார். முக்கிய சந்திப்புக்களுக்காக கொழும்பிலுள்ள பிரபல ஹோட்டல்களுக்கு அழைத்து செல்லப்பட்டு பின்னர் மீண்டும் அந்த வீட்டிற்கே அழைத்துவரப்படுகிறார். மூன்று தடவைகள் வெளிநாட்டு அழைத்துச்செல்லப்பட்டிருக்கிறார். விடுதலைப்புலிகளின் கப்பல்களை அவரிடமிருந்து வாங்குவதற்கு சகல நடவடிக்கைகளும் அரச தரப்பில் மேற்கொள்ளப்பட்டுவருகின்றன. இவை பற்றி மேலதிகள தகவல்களை நான் இங்கு வெளியிட்டால் நான் நாலாம் மாடிக்கு கொண்டுசெல்லப்பட்டு விசாரிக்கப்படும் ஆபத்து இருப்பதால் அவற்றை இங்கு தவிர்த்துவிடுகிறேன்.

சரணடைந்த விடுதலைப்புலிகளின் தலைவர்களை கோத்தபாயவின் உத்தரவின் பேரில் படையினர் சுட்டுக்கொன்றார்கள் என்று பொன்சேகா கூறிய விடயத்துக்கு எதிராக – இராணுவ இரகசியங்களை வெளியிட்ட குற்றத்தின்பேரில் – நடவடிக்கை எடுக்கப்போவதாக  அரசு முதலில் தெரிவித்தபோதும் அந்த முயற்சியை அவர்கள் தற்போது கைவிட்டுவிட்டார்களே ஏன? சண்டேலீடர் பத்திரிகைக்கு பொன்சேகா வழங்கிய செவ்வியை அவர் மறுத்துவிட்டார் என்று சர்வதேச சமூகத்துக்கு  அரசு தரப்பு தொடர்ந்து கூறி வருகின்றதே தவிர பொன்சேகா கூறிய விடயங்கள் தொடர்பாக தனது தரப்பு விளக்ககத்தை  அரசு இன்னமும் வெளியிடவில்லையே ஏன?பொன்சேகாவுக்கு ஆதரவளிப்பது என்று  முஸ்லிம் காங்கிரஸ் ஒரே இரவில் முடிவு எடுத்துவிடவில்லை. எத்தனையோ விடயங்களை பரிசீலித்து அயல்நாடுகள் மற்றும் ஏனைய சக்திகளின் சிறிலங்கா தொடர்பான ஆர்வங்கள் குறித்து தீவிரமாக பரிசீலித்து சிறுபான்மை மக்களின் நலன்களுக்கு சரியான முடிவு எது என்று ஆராய்ந்துதான் எமது  முடிவை எடுத்தோம்.

மட்டக்களப்பு காத்தான்குடி பிரதேசத்தில் டெங்கு நோய் பரவி வருகிறது இன்று கலை பத்து வயது சிறுமி டெங்கு காரணமாக வபாதானார்.   மூன்று டெங்கு நோயாளர்கள் அவசர சிகிச்சை பிரிவில் அனுமதிக்கப்பட்டுள்ளனர்  காத்தான்குடி சுகாதார வைத்திய அதிகாரி அலுவலக தகவல்களின்படி இது வரை மட்ட களப்பு  மாவட்டத்தில்   120 பேர் டெங்கு நோயினால் பீடிக்கப்டப்டுள்ளதாகதெரிகிறது  இதேவேளை   பள்ளிவாசல்கள் சம்மேளன பிரதிநிதிகள், நகர சபை உறுப்பினர்கள், சுகாதார வைத்திய அதிகாரி அலுவலக உத்தியோகத்தர்கள் உட்படப் பலரும் கலந்து கொண்ட கூட்டமொன்றில்  தனியார் கல்வி  நிறுவனங்களை    மூடுவதற்குத் தீர்மானிக்கப்பட்டுள்ளது

எதிர்வரும் ஜனாதிபதித் தேர்தலை வடக்கு, கிழக்குத் தமிழ் மக்கள் பகிஷ்கரிக்க வேண்டும் என்ற கோரிக்கையை முன்வைப்பதற்கு அகில இலங்கைத் தமிழ்க் காங்கிரஸ் கட்சி முடிவு செய்திருக்கின்றது. தமிழ்த் தேசியக் கூட்டமைப்பில் இடம்பெற்றுள்ள தமிழ்க் காங்கிரஸ் கட்சி, கூட்டமைப்பு இவ்விடயத்தில் ஒரு தீர்மானத்தை மேற்கொள்வதற்கு முன்னர் தனது முடிவை நேற்று எடுத்தது.

அகில இலங்கைத் தமிழ் காங்கிரஸ் கட்சியின் விசேட பொதுக் குழுக்கூட்டம் நேற்று முற்பகல் யாழ்ப்பாணம் பிரதான வீதியில் உள்ள கட்சியின் அலுவலகத்தில் கட்சியின் தலைவர் அ.விநாயகமூர்த்தி தலைமையில் இடம்பெற்றது. சுமார் எழுபத்தியைந்து பேர் வரை அங்கு பிரசன்னமாகி யிருந்தனர்.

இந்தத் தேர்தலைப் பகிஷ்கரிப்பதற்கான விளக்கங்கள், வியாக்கியானங்களை விவரிக்கும் அறிக்கை ஒன்றைக் கட்சியின் பொதுச் செயலாளரும் யாழ். மாவட்ட எம்.பியுமான கஜேந்திரகுமார் பொன்னம்பலம் அங்கு வாசித்தார்.அந்த அறிக்கை பிரேரிக்கப்பட்டு ஏற்றுக் கொள்ளப்பட்டதாக அறிவிக்கப்பட்டது. இதேபோன்று தேர்தலைப் பகிஷ்கரிக்கும் முடிவையே தமிழ்த் தேசியக் கூட்டமைப்பும் எடுக்கும் என எதிர்பார்க்கப்படுவதாகவும் அங்கு தெரிவிக்கப்பட்டதாக அறியவந்தது. எனினும், தேர்தலைப் பகிஷ்கரிக்கும் முடிவுக்குத் தனிப்பட்ட முறையில் கட்சித் தலைவர் அ.விநாயகமூர்த்தி உடன்படவில்லை என்றும் தெரியவருகின்றது. எவ்வாறெனினும் கட்சியின்  செயலாளர் கஜேந்திரகுமார் பொன்னம்பலத்தின் விருப்பத்துக்கு அமைய பகிஷ்கரிப்பு முடிவு எடுக்கப்பட்டதாகவும் கட்சி வட்டாரங்கள் மூலம் அறியவந்தது.

மீண்டும் உருவாகி வரும்  புலிகள் இலங்கையில் புனர் வாழ்வு  தடுப்பு முகாம் ஒன்றைத்தாக்குவதற்கு  புலம்பெயர் புலிகளால் உருவாக்கப்பட்ட”புதிய புலிகள்” அமைப்பினர்கள் பாரிய திட்டத்துடன்  இருப்தாக தகவல் வெளியாகியுள்ளன   நடைபெறவிருக்கும் ஐனாதிபதி தேர்தலுக்கு முன்பாக தடுப்பு முகாம்பில் தடுத்து வைக்கப்பட்டிருக்கும் முன்னாள் புலிகள்  பலரை கொலை செய்து மாபெரும் மனிதபேரவலத்தை உண்டுபண்ணி நடைபெறவிருக்கும் ஐனதிபதி தேர்தலை குழப்பியடிக்கவும் அந்த பழியை இராணுவத்தினரின் மேல்போட்டு நாட்டை ஒரு குழப்ப நிலைக்கு கொண்டுவருவதற்கு பாரிய தாக்குதல் திட்டமொன்று திட்டமிடப்பட்டுள்ளதாக தகவல்கள் கசிந்துள்ளன. புலிகளின் பல இணையத்தளங்கள் மூடப்பட்டு மீண்டும் வேறு பெயர்களில் தீவிரமாக இயங்கி வருகிறது என்பது குறிபிட தக்கது

வடக்கு முஸ்லிம்கள் மே மாதம் முழுமையாக மீள்குடியேற்றம்:

முஸ்லிம் மக்களை பணயக் கைதிகளாக வைக்க நாம் ஒருபோதும் அனுமதிக்க மாட்டோம். முஸ்லிம்களை நாம் முழுமையாகப் பொறுப்பேற்கிறோம்.முஸ்லிம்கள் எனது சகோதரர்கள். என்னை முழுமையாக நம்புங்கள். முஸ்லிம்கள் தொடர்பாக என்மீது பல்வேறு அபாண்டமான குற்றச்சாட்டுக்கள் எதிர்க் கட்சிகளால் சுமத்தப்பட்டன. ஐந்து வேளைத் தொழுகையை நான் நிறுத்தி விடுவேனெனக் கூறினார்கள். இப்போது உண்மை நிலையை நீங்கள் புரிந்திருப்பீர்கள். அவ்வாறான பொய்களெல்லாம் எதிர்க் கட்சிகளினாலும் அதன் தலைவர்களினாலும் பரப்பப்பட்டவை. அவர்களை நம்பாதீர்கள். அவர்கள் உங்களை ஏமாற்றப்பார்க்கிறார்கள். விரிவாக பார்க்க

ஜனாதிபதி மகிந்த ராஜபக்ஷ:

நேற்று 26.12.2009 புத்தளத்தில் வட மாகாண முஸ்லிம்களை வட மாகாணத்தில் மீண்டும் மீள் குடியமர்த்த எடுக்கப்பட்டும் நடவடிக்கைகளை ஆரமித்து வைக்கும்    நிகழ்வில் கலந்து கொண்டு உரையாற்றும் போது ஜனாதிபதி  வடக்கின் பல்வேறு பிரதேசங்களில் இருந்து விடுதலைப்புலிகளால் துரத்தியடிக்கப்பட்ட முஸ்லிம்களை, அவர்களின் சொந்த இடங்களிலேயே மீள குடியமர்த்துவது தமது பொறுப்பு எனவும் முஸ்லிம் பகுதிகளில் முஸ்லிம்கள் குடியமர்த்த படுவார்கள் என  தெரிவித்துள்ளார்.இந்த நிலையில், வடக்கின் இடம்பெயர்ந்தவர்களின் சொந்த இடங்களில் மாற்று பிரதேசத்தவர்கள் குடியமர்த்தப்படுவர் என யாரும் நம்பவேண்டாம் எனவும், அந்த பிரதேசங்களில் அவ்வாறான குடியேற்றங்கள் எவையும் நிகழாது எனவும் ஜனாதிபதி குறிப்பிட்டுள்ளார்.

. இலங்கையின் உள்கட்டமைப்பைச் சரிசெய்ய இந்த நிதி அளிக்கப்படுவதாக சீனா தெரிவிக்கப்பட்டுள்ளது. சீனாவுக்கு மூன்று நாள் அரசு முறைப் பயணமாகச் சென்றுள்ள இலங்கையின் பொருளாதாரத்துறை அமைச்சர் ஜெயசுந்தர சீனாவின் வர்த்தக இணை அமைச்சர் சென் ஜியானை நேற்று வெள்ளிக்கிழமை சந்தித்துப் பேசினார்.

அப்போது இந்த நிதி உதவி குறித்து சீனா உறுதி அளித்துள்ளது. மேலும் இதுதொடர்பாக இலங்கைக்கும்,​​ சீனாவுக்கும் இடையே மூன்று ஒப்பந்தங்களும் கையெழுத்தாகியுள்ளன. இலங்கையில் இன்னும் செயல்படுத்தப்படவுள்ள திட்டங்கள்,​​ அதற்கு சீனாவிடம் இருந்து இலங்கை எதிர்பார்க்கும் உதவி ஆகியவை குறித்தும் ஜெயசுந்தர இந்த சந்திப்பின்போது எடுத்துக் கூறினார்.

இலங்கை எதிர்ப்பாக்கும் அனைத்து உதவிகளை செய்ய சீனா தயாராகவுள்ளதாக சென் ஜியான் உறுதியளித்துள்ளார்.​ இந்தச் சந்திப்புக்குப் பின் சீனா வெளியிட்டுள்ள செய்திக் குறிப்பில், “இந்த சந்திப்பின்போது மகிந்த ராஜபக்ச தலைமையிலான இலங்கை அரசு,​​ நாட்டின் உள்கட்டமைப்பை விரைந்து மேம்படுத்துவதற்கும்,​​ மக்களின் வாழ்க்கை தரத்தை உயர்த்துவதற்கும் முன்னுரிமை அளித்து செயல்பட்டுவருகிறது. அதற்கு சீனா   அனைத்து உதவிகளையும் செய்ய முடிவு செய்துள்ளது” என்று தெரிவிக்கப்பட்டுள்ளது

தஞ்சையில் இன்று முதல் இரண்டு நாட்களுக்கு நடைபெறும் ஈழத் தமிழர் வாழ்வுரிமை மாநாட்டில் கலந்து கொள்ள விமானம் மூலம் திருச்சி வந்த இலங்கை நாடாளுமன்ற உறுப்பினர் சிவாஜிலிங்கம் குடியேற்றத் துறையால் அனுமதி மறுக்கப்பட்டு நாடு கடத்தப்பட்டார்.இலங்கை அதிபர் தேர்தலில் தனி வேட்பாளராக போட்டியிடும் சிவாஜிலிங்கம் இன்று அதிகாலை 3.00 மணிக்கு விமானம் மூலம் திருச்சி வந்தடைந்தார். ஆனால் அவரை விமான நிலையத்திலிருந்து வெளியே செல்ல அனுமதி மறுத்த குடியேற்றத் துறை அதிகாரிகள், அவரை தடுத்து வைத்தனர்.

சிறிது நேரத்தில் திருச்சி விமான நிலையத்திலிருந்து துபாய் புறப்பட்ட விமானத்தில் ஏற்றி அனுப்பிவிட்டனர். அங்கிருந்து சிவாஜிலிங்கம் கொழும்பு செல்ல வேண்டும் என்ன காரணத்திற்காக சிவாஜிலிங்கத்தை நாட்டிற்குள் அனுமதிக்க மறுத்தனர் என்று குடியேற்றத்துறை அவருக்குத் தெரிவிக்கவில்லை.இலங்கை அதிபர் தேர்தலில் பெரும்பான்மை சிங்கள மக்களின் ஆதரவைப் பெறுவதில் அதிபர் பதவிக்குப் போட்டியிடும் சரத் பொன்சேகாவிற்கும், மகிந்த ராஜபக்சவிற்கும் கடும் போட்டி நிலவும் நிலையில், வெற்றி பெறுவதற்கு தமிழர்களின் வாக்குத் தேவை என்ற நிலை ஏற்பட்டுள்ளது.

இந்தச் சூழலில் தனி வேட்பாளராக சிவாஜிலிங்கம் களமிறங்கியிருப்பது தேர்தலில் விழும் தமிழர்களின் வாக்குகளை பெறும் வாய்ப்புள்ளதால் தங்கள் வெற்றி பாதிக்கப்படும் என்று அவர்கள் கருதுகின்றனர்.இதுமட்டுமின்றி, தமிழர்களிடையே  செல்வாக்குப் பெற்றுள்ள தமிழ்த் தேசியக் கூட்டணியின் வாயிலாக தமிழர்களின் வாக்குகளை அதிபர் ராஜபக்சவுக்கு சாதகமாக திருப்புவதில் இந்திய மத்திய அரசு ஈடுபட்டு வருவதாகவும் கூறப்படுகிறது.

அந்த திட்டத்திற்கு எதிராக சிவாஜிலிங்கம் களமிறங்கியிருப்பதாலும், ஈழத் தமிழர் வாழ்வுரிமை மாநாட்டில் அவர் கலந்துகொள்வது அவருக்கு ஆதரவாக தமிழர்களின் வாக்குகளை ஒன்று சேர்க்கும் என்று கருதப்பட்டதாலும் அவரை மாநாட்டில் கலந்து கொள்ள விடாமல் தடுக்கப்பட்டதாகவும் கூறப்படுகிறது.

எதிர்வரும் ஜனாதிபதித் தேர்தலில் தமிழ்த் தேசியக் கூட்டமைப்பு, எதிர்க்கட்சிகளின் பொது வேட்பாளர் ஜெனரல் சரத் பொன்சேகாவுக்கு ஆதரவு வழங்கி, அவர் அத்தேர்தலில் வெற்றிபெற்றால், அவரது அரசு தமிழர் விடயத்தில் கைக்கொள்ளக்கூடிய உள்நாட்டுக்குள் உருவாகும் தீர்வு ஒன்றை எட்டுவதற்காக இந்தப் பேச்சுகளில் ஆராயப்பட்டதாகத் தெரிகின்றது இவற்றில் விரிவாக பார்க்க

parents of Rizana Nafeek

சவூதி அரேபியாவில் மரண தண்டனை விதிக்கப்பட்டுள்ள இலங்கையைச் சேர்ந்த வீட்டுப் பணிப்பெண்ணான ரிசானா நௌபீக் தொடர்பான வழக்கு விசாரணைகள் எதிர்வரும் ஜனவரி 19ம் திகதி மீண்டும் விசாரணைக்கு எடுத்துக்கொள்ளப்பட வேண்டும் என அந்த நாட்டின் நீதியரசர் அப்துல்லா அல் ரசீம் உத்தரவிட்டுள்ளார். அத்துடன் ரிசானாவின் வாக்குமூலத்தை மொழிபெயர்த்த இந்திய மொழிபெயர்ப்பாளரை நீக்குமாறும் நீதிவான் உத்தரவிட்டுள்ளார்.

மன்றில் ரிசானா நௌபீக் மற்றும் அவரது வாக்கு மூலத்தை பதிவு செய்திருந்த இரு பொலிஸாரும் ஆஜராகியிருந்தனர். கடந்த காலங்களில் தொடர்ச்சியாக நீதிமன்றில் ஆஜராகிவந்த இறந்தகுழந்தையின் தந்தை இம்முறை மன்றில் ஆஜராகி இருக்கவில்லை எனக் கூறப்படுகின்றது. விரிவாக பார்க்க

இசை மதங்களை, வேறுபாடுகளை, வெறுப்புகளை கடந்த ஒன்று என்று கூறுகிறார் இசையமைப்பாளர் ஏ.ஆர். ரஹ்மான்.வந்தேமாதரம் பாடலை இஸ்லாமிய மார்க்கத்தைச் சேர்ந்த ரஹ்மான் பாடியது தவறு என்றும்  முஸ்லிம்கள் இந்த பாடலை பாடுவது ஷிர்க் என்றும்      பல  இஸ்லாமிய அமைப்புகள்  கண்டித்தது குறித்து கேட்கப்பட்டதற்கு பதிலளிக்கும் வகையிலேயே அவர் இவ்வாறு கூறியுள்ளார்.இந்தியாவின் தேசிய பாடலான வந்தேமாதரம் பாடலை இந்திய சுதந்திரப் பொன்விழாவின் போது வெளியிடப்பட்ட ஒரு இசைத் தொகுப்பில் உணர்சிகரமாக பாடியிருந்த ஏ.ஆர்.ரஹ்மான் இந்தப் பாடலை தான் தொடர்ந்து பாடிவருவதாகவும்  தெரிவித்தார்.

இந்தப் பாடலின் சில வரிகள் இஸ்லாமிய கோட்பாடுக்கு எதிராக இருப்பதாகவும் இதை முஸ்லிம்கள் பாடக் கூடாது என்றும் இந்திய உலமாக்கள் சபை  என்ற இஸ்லாமிய  அமைப்பு சில மாதங்களுக்கு முன்பு தெரிவித்திருந்தமை சர்ச்சையை கிளப்பியிருந்தது.வந்தேமாதரம் பாடலை பாடுமாறு யாரும் தன்னை அப்போது நிர்பந்திக்கவில்லை என்றும், அதே போன்ற நிலை தொடர வேண்டும் என்றும் கூறிய ஏ.ஆர்.ரஹ்மான், ஒவ்வொருவரின் மத நம்பிக்கைகளும் அது தொடர்பிலான புரிதல்களும் மாறுபட்டவை என்றும் அவை மதிக்கப்பட வேண்டும் என்றும் தமிழோசையிடம் தெரிவித்துள்ளார் .தான் இப்போதும் தனது இசை நிகழ்சிகளை நிறைவு செய்யும் முன்பாக இந்தப் பாடலை பாடுவதாகவும் அவர் கூறினார்.

ஏ.ஆர். ரஹ்மான் மிகவும் பிரபல்யமான ஆங்கில  பாடகர் லூன்னிடம் பாடம்  படிக்கட்டும்

லூன் ( AKA LOON) என்ற மிகவும் பிரபல்யமான பாடகர் இசையின் ஹராமான பகுதிகளை முழுமையாக ஒதுக்கி விட்டு இஸ்லாத்தை ஏற்றுக்கொண்ட ஒரு கிறித்தவ வாலிபர் இவரிடம்  ஏ.ஆர். ரஹ்மான் படிப்பினை பெறவேண்டும்

எதிர்க்கட்சிகளின் பொது   வேட்பாளர் ஜெனரல் சரத் பொன்சேகாவுக்கு எதிர்ப்பு தெரிவித்து கொழும்பில் இன்று ஆர்ப்பாட்டமொன்று இடம்பெற்றது.கொழும்பு கோட்டை ரயில் நிலையத்துக்கு முன்பாக இன்று வியாழக்கிழமை பிற்பகல் 2 மணிக்கு இடம்பெற்ற இந்த பேரணியில் அரசாங்கத்தை சேர்ந்த பலர் கலந்துகொண்டனர்.விடுதலைப்புலிகளை வெற்றிகொண்ட இலங்கை அரசாங்கத்தை காட்டிக்கொடுக்க ஜெனரலுக்கு வெட்கம் இல்லையா? ஐக்கிய தேசிய கட்சிக்கு வெட்கம் இல்லையா என எழுதப்பட்ட பாதாதைகளை ஆர்ப்பாட்டக்காரர்கள் ஏந்தியிருந்தனர்.இராணுவத்தை காட்டிக்கொடுத்த சரத் பொன்சேகா, தேசத்துரோகி பொன்சேகா, ஸ்ரீலங்காவை சர்வதேச சக்திகளுக்கு அடகுவைக்க முற்படும் பொன்சேகா என ஆர்ப்பாட்டக்கார்கள் கோசங்களை எழுப்பினர்.மேல் மாகாணசபை ஆளுநர் அலவி மெளலானா உட்பட சிரேஷ்ட அமைச்சர்கள், நாடாளுமன்ற உறுப்பினர்கள் பலரும் கலந்து கொண்டனர்.

அம்பாறை மாவட்டத்தில் கடந்த சில தினங்களாக பெய்த கடும் மழை காரணமாக கல்முனை பிரதேச செயலகப் பிரிவில் 7500 குடும்பங்கள் பாதிக்கப்பட்டுள்ளதாக கல்முனை பிரதேச செயலக பதில் பிரதேச செயலாளர் எம்.ஐ.எம். தெளபீக் தெரிவித்தார்.

கல்முனை இஸ்லாமாபாத், கல்முனைக்குடி, மருதமுனை போன்ற தாழ் நிலப் பிரதேசங்களில் கடும் வெள்ளம் ஏற்பட்டுள்ளதுடன் பிரதேச மக்கள் இடம்பெயரும் நிலையும் ஏற்பட்டுள்ளது.

பாதிக்கப்பட்ட மக்களுக்கு நிவாரணங்களை வழங்க நடவடிக்கை மேற்கொள்ளுமாறு அம்பாறை மாவட்ட அரசாங்க அதிபர் பிரதேச செயலாளரைப் பணிந்துள்ளதாகவும், அது தொடர்பாக நடவடிக்கை மேற்கொண்டு வருவதாகவும் பதில் பிரதேச செயலாளர் எம். ஐ. எம். தெளபீக் மேலும் தெரிவித்தார்.

தற்போது மழை ஓய்ந்து ஓரளவு சீரான காலநிலை நிலவி வருவதால் வெள்ள நீர் படிப்படியாக வடிந்து வருவது குறிப் பிடத்தக்கது.

மஹிந்த சிந்தனையின் இரண்டாம் கட்ட கொள்கைப் பிரடகடனம் விரைவில் வெளியிடப்பட உள்ளதாகத் தெரிவிக்கப்படுகிறது. எதிர்வரும் வாரமாளவில் குறித்த சிந்தனைத் திட்டத்தின் இரண்டாம் கட்டம் வெளியிடப்படும் என ஊடக அமைச்சர் லக்ஸ்மன் யாபா அபேவர்தன தெரிவித்துள்ளார்.நாடு முழுவதனையும் உள்ளடக்கிய பாரிய அபிவிருத்தித் திட்டமொன்று நடைமுறைப்படுத்தப்பட உள்ளதாகத் தெரிவிக்கப்படுகிறது.

நீர் வடிகாலமைப்பு, பெருந்தெருக்கள், விவசாயம், உள்ளிட்ட பல துறைகளில் அபிவிருத்தி நடவடிக்கைகள் முன்னெடுக்கப்பட உள்ளது.மஹிந்த சிந்தனையின் இரண்டாம் கட்டத்தின் அடிப்படையில் நாட்டின் சகல மக்களுக்கும் மின்சார வசதி வழங்கப்பட உள்ளதாக அவர்  குறிப்பிட்டுள்ளார்.

அம்பாறை மாவட்ட த்தில் கடந்த இரு தினங்களாக பெய்து வரும் அடைமழை காரணமாக இம் மாவட்டத்தில் 23, 100 குடும்பங்கள் பாதிக்கப்பட்டுள்ளதாகவும் இவர்களுக்கான நிவாரண நடவடிக்கைகளை உடனடியாக மேற்கொள்ளுமாறும் அம்பாறை அரச அதிபருக்கு வீடமைப்பு பொது வசதிகள் அமைச்சர் பேரியல் அஷ்ரப் பணிப்புரை விடுத்துள்ளார்.

தொடர்ச்சியாக பெய்துவரும் மழை காரணமாக இதுவரை கிடைக்கப்பெற்ற தகவல்களின்படி சாய்ந்தமருது பிரதேச செயலாளர் பிரிவில் 6200 குடும்பங்கள் பாதிக்கப்பட்டுள்ளதுடன் 300 குடும்பங்கள் இடம்பெயர்ந்து உறவினர் வீடுகளில் தங்கியுள்ளன.

ஆலையடிவேம்பு பிரதேச செயலாளர் பிரிவில் 5200 குடும்பங்கள் பாதிக்கப்பட்டு 150 குடும்பங்கள் இடம் பெயர்ந்து ள்ளன. அக்கரைப்பற்று பிரதேச செய லாளர் பிரிவில் 1800 குடும்பங்கள் பாதிக்கப்பட்டு 200 குடும்பங்கள் இடம் பெயர்ந்துள்ளன.

கல்முனை தமிழ்ப் பிரிவு பிரதேச செயலாளர் பிரிவில் 1400 குடும்பங்கள் பாதிக்கப்பட்டுள்ளதுடன் 70 குடும்பங்கள் இடம் பெயர்ந்துள்ளன.

இஸ்தான்புல் – இஸ்ரேல் துருக்கியின் வான்பரப்பைத் துஷ்பிரயோகம் செய்ய முற்படுமாயின் தமது நாடு எடுக்கும் எதிர்நடவடிக்கை ஒரு பெரும் பூகம்பமாய் வெடிக்கும் என்று துருக்கியப் பிரதமர் ரஜப் தையிப் அர்தூகான் கடுமையாக எச்சரித்துள்ளார். துருக்கியுடனான கூட்டு இராணுவப் பயிற்சியில் கலந்துகொள்ள இஸ்ரேலுக்கு அனுமதி மறுக்கப்பட்டதற்கு, அண்மையில் ஈரானை உளவுபார்க்கும் பொருட்டு இஸ்ரேலிய உளவு விமானங்கள் துருக்கிய வான்பரப்பில் அத்துமீறிப் பிரவேசித்தமை தான் காரணம் என்று சொல்லப்படும் செய்தியின் உண்மைத்தன்மை பற்றி எகிப்திய ஊடகவியலாளர் ஃபஹ்மி ஹுவைதி எழுப்பிய கேள்வியொன்றுக்குப் பதிலளிக்குமுகமாகவே அர்தூகான் மேற்கண்டவாறு தெரிவித்துள்ளார்.விரிவாக பார்க்க

வவுனியாவுக்கும் யாழ்ப்பாணத்திற்கும் இடையிலான வடக்கு பகுதியின் புகையிரத சேவையை புனரமைக்கும் முகமாக இந்திய அரசாங்கம் 425 மில்லியன் அமெரிக்க டொலர்கள் நிதியுதவியை வழங்கவுள்ளதாக அறிவிக்கப்பட்டுள்ளது. இலங்கை அரசாங்கத்திற்கு இந்திய அரசாங்கம் இந்த நிதியுதவி குறித்து அறிவித்துள்ளதாக இலங்கையில் உள்ள இந்திய உயர்ஸ்தானிகரகம் தெரிவித்துள்ளது.

இந்த நிதியுதவியின் கீழ் ஓமந்தை முதல் பலாலி வரையிலான புகையிரத பாதையில், வரையறுக்கப்பட்ட இந்திய ரெயில்வே கொன்ஸ்டக்சன் நிறுவனம், நிர்மாணப்பணிகளை மேற்கொள்ளவுள்ளது.இந்தியா,வடக்கில் பல்வேறு அபிவிருத்தி திட்டங்களை முன்னெடுத்து வரும் நிலையில் தமது முதலீடுகளையும் அதிகரித்து வருவது இங்கு குறிப்பிடத்தக்கது.

எதிர்வரும் ஜனாதிபதி தேர்தலில், யாருக்கு ஆதரவளிப்பது என்பது தொடர்பாக இன்று ஆராய்ந்த தமிழ் தேசியக் கூட்டமைப்பு முடிவுகள் எதனையும் எடுக்கவில்லை. நாடாளுமன்ற கட்டிடத்தொகுதியில், இந்த சந்திப்பு இன்று, முற்பகல் 10 மணி முதல் பிற்பகல் 4 மணிவரை இடம்பெற்றது.இதன் போது ஜனாதிபதி மஹிந்த ராஜபக்சவுடன் கலந்துரையாடப்பட்ட விடயங்களும் பொதுவேட்பாளர் சரத் பொன்சேகாவுடன் கலந்துரையாடப்பட்ட விடயங்களும் ஆராயப்பட்டன.

இந்த நிலையில் கூட்டத்தில் பங்கேற்ற ஒவ்வொருவரும் தமது கருத்துக்களை வெளியிட்டனர்.இதனையடுத்து எதிர்வரும் 4 ஆம் திகதி மீண்டும் கூடி ஆராய்வதென்றும் அதுவரையில் மீண்டும் பிரதான வேட்பாளர்களுடன் பேச்சுவார்த்தை நடத்துவதென்றும்

என் சபேசன்

கலந்தரையாடலில் கருத்து வெளியிட்ட என் சபேசன் முஸ்லிம்கள் தனியான தேசம் என்பதைத் தான் ஏற்றுக் கொள்ளவில்லை என்றும் இலங்கையில் சிங்களம் தமிழ் என்ற இருதேசங்களே உள்ளதாகவும் கருத்து வெளியிட்டார். அப்போது குறுக்கிட்ட ராகவன் அவ்வாறே சிங்களத் தலைமைகள் தமிழர்கள் ஒரு தனியான இனம் இல்லை எனக் கருதுவதாகத் தெரிவித்தார். என் சபேசனின் கருத்துக்கு பதிலளிக்கும் வகையில் கருத்து வெளியிட்ட மாசில் பாலன் தேசிய இனங்களை வரையறுப்பது என்பது ஸ்ராலினின் வரையறைகளைக் கடந்து வரவேண்டும் என்றும் ஒரு குறிப்பிட்ட சமூகம் தன்னைத் தனித்துவமான இனமாக உணருமானல் அவர்கள் தனித்துவமான இனமாகக் கொள்ளப்பட வேண்டும் என்றும் தெரிவித்தார். இந்தியாவில் உள்ள பழங்குடிகள் இன்று அவ்வாறே உணருவதாகவும் அவர் சுட்டிக்காட்டினார். சபா நாவலனும் இதே கருத்தை வெளிப்படுத்தினார்.

தமிழ் தேசியம் என்பது தமிழீழ விடுதலைப் புலிகளின் தளமாக இருந்துள்ளது எனத் தெரிவித்த த ஜெயபாலன் அது புலித் தேசியமாக ஆக்கப்பட்டு அதிலேயே புலிகள் ஊன்றி நின்றனர் என்றும் புலிகளின் தோல்வி என்பது அவர்களுடைய தோல்வி மட்டுமல்ல அவர்கள் ஊன்றி நின்ற தமிழ் தேசியத்தினதும் தோல்வியாகவே அமையும் என்றார். அவர் தொடர்ந்தும் கூறுகையில் அதன் அடிப்படையில் தமிழ் மக்களுடைய பிரச்சினைக்கான தீர்வில் தமிழ் தேசியம் கேள்விக்கு உள்ளாக்கப்பட வேண்டும் என்றார்.விரிவாக பார்க்க

ஐ.நா.வின் விசேட பிரதிநிதி கோரிக்கை:

கடந்த மே மாதம் இடம்பெற்ற இராணுவ நடவடிக்கையின் இறுதிக்கட்டத்தின் போது மூன்று சிரேஷ்ட விடுதலைப்புலி உறுப்பினர்களும் அவர்களது குடும்பத்தினரும் மரணமடைந்த சூழ்நிலை குறித்து விளக்கமளிக்குமாறு நீதி விசாரணையற்ற கொலைகள் அல்லது தன்னிச்சையான மரண தண்டனை நிறைவேற்றங்கள் தொடர்பான ஐக்கிய நாடுகள் விசேட பிரதிநிதி இலங்கை அரசாங்கத்திடம் கோரியுள்ளார். எதிர்வரும் ஜனாதிபதித் தேர்தலில் எதிர்க்கட்சி வேட்பாளராக போட்டியிடும் இளைப்பாறிய ஜென ரல் சரத் பொன்சேகா டிசம்பர் மாதம் 13ஆம் திகதி வெளியான ஆங்கில வாரப்பத்திரிகையான சண்டே லீடருக்கு அளித்த பேட்டி ஒன்றில் மேற்படி கொலைகள் இடம்பெற்றதாக குற்றஞ்சாட்டியதை அடுத்தே அது பற்றி விளக்கம் கோரப்படுவதாக ஜனாதிபதியின் ஊடக பிரிவு தெரிவித்துள்ளது.

குருநாகல் குளியாப்பிட்டிய தும்மலசூரிய பிரதேசத்தைச் சேர்ந்த முஸ்லிம் யுவதியொருவர் காணாமற் போயிருப்பதாக பொலீஸில் முறைப்பாடு செய்யப்பட்டுள்ளது. இந்த முறைப்பாடு குளியாப்பிட்டிய பொலீஸ் நிலையத்தில் நேற்றையதினம் செய்யப்பட்டுள்ளது. காணாமற் போனவர் தும்மல சூரிய பிரதேசத்தைச் சேர்ந்த முஸ்லிம் யுவதியான 17வயதானவர் என்று தெரிவிக்கப்பட்டுள்ளது. சம்பவம் குறித்த மேலதிக விசாரணைகளை குளியாப்பிட்டிய பொலீசார் மேற்கொண்டு வருகின்றனர்.

அதிரடி

நடைபெறவிருக்கும் சிறிலங்காவின் அரசுத் தலைவர் தேர்தல் தொடர்பில் எவ்வாறான நிலைப்பாட்டை எடுப்பது, யாரை ஆதரிப்பது என்பதில் தமிழ்த் தேசியக் கூட்டமைப்பு பிளவுபட்டுள்ளது.இந்த நிலையில், எதிர்க்கட்சிகளின் பொது வேட்பாளர் சரத் பொன்சேகா மற்றும் எதிர்க்கட்சித் தலைவர் ரணில் விக்கிரமசிங்க ஆகியோரைச் சந்தித்த கூட்டமைப்பின் உயர் மட்டக்குழு முக்கிய பேச்சுக்களை நடத்தியிருக்கின்றது.இன நெருக்கடி தொடர்பாகவும், அதற்கான அரசியல் தீர்வு தொடர்பாகவும் இந்தப் பேச்சுக்களின் போது முக்கியமாக ஆராயப்பட்டதாகத் தெரிவிக்கப்படுகின்றது. விரிவாக பார்க்க

2004 ஆம் ஆண்டு கிழக்கு மாகாணத்தில் விடுதலைப் புலிகள் அமைப்பில் ஏற்பட்ட பிளவுக்கும் தனக்கும் எவ்வித தொடர்பும் இருக்கவில்லை என அமெரிக்காவில் தங்கியிருந்து நேற்று நாடு திரும்பியுள்ள முன்னாள் நாடாளுமன்ற உறுப்பினர் அலி சாகீர் மௌலானா வலியுறுத்திக் கூறுகின்றார். விடுதலைப் புலிகள் அமைப்பில் பிளவு ஏற்பட்ட பின்பு தனக்கு ஏற்பட்ட பாதுகாப்பு அச்சுறுத்தல்கள் காரணமாகவே அந்நேரத்தில் நாடாளுமன்ற உறுப்பினர் பதவியை ராஜனாமா செய்து விட்டு நாட்டை விட்டு வெளிறே வேண்டியிருந்ததாகவும்,ஆனால் தற்போது அப்படியான சூழ்நிலை இல்லை என்றும் அவர் குறிப்பிடுகின்றார்.

தான் மீண்டும் அரசியலில் பிரவேசிக்க வேண்டும் என பலரும் எதிர்பார்ப்பதால்,ஆளும் ஐக்கிய மக்கள் சுதந்திர முன்னணியுடன் இணைந்து அரசியலில் ஈடுபடப் போவதாகவும் அலி சாகீர் மௌலானா எமது செய்திச் சேவைக்குத் தெரிவித்தார். அவர் தொடர்ந்து தெரிவிக்கையில், ” 2006 ஆம் ஆண்டு எனக்கு அச்சுறுத்தல்களும் பயமுறுத்தல்களும் ஏற்பட்ட போது ஐக்கிய தேசியக் கட்சி என்னை தனிமைப்படுத்தி விட்டது.இதனால் தான் நாட்டை விட்டு வெளியேற வேண்டிய நிலை ஏற்பட்டது.

2007 ஆம் ஆண்டு ஐ.நா. கூட்டத்தில் கலந்து கொள்வதற்காக அமெரிக்கா வந்திருந்த ஜனாதிபதி மஹிந்த ராஜபக்ஷ என்னைச் சந்தித்து நாடு திரும்பி மீண்டும் அரசியலில் ஈடுபடுமாறும், பாதுகாப்பான நிலை இருப்பதாகவும் தெரிவித்திருந்தார்.அத்துடன் இலங்கை தூதராலயத்தில் உயர் பதவியொன்றையும் வழங்கியிருந்தார்”என்றார். விடுதலைப் புலிகள் அமைப்பை பலவீனப்படுத்தியது தமது கட்சியே என ஐக்கிய தேசியக் கட்சி நாடாளுமன்ற உறுப்பினர்கள் கூறி வருவது பற்றி அவரிடம் கேட்ட போது,

“ஐக்கிய தேசிய கட்சி செயலாளர் இதில் என்னை தொடர்புபடுத்திக் கூறியிருப்பது எனக்கு களங்கத்தை ஏற்படுத்தியுள்ளது மட்டுமல்ல அது அவர்களினது அரசியல் நோக்கத்தை கொண்டது. விடுதலைப் புலிகள் அமைப்பிலிருந்து தற்போதைய அமைச்சர் விநாயகமூர்த்தி முரளீதரன் அன்று பிரிந்திருந்தார்.இந்தப் பிரிவுக்கும் எனக்கும் எந்த வித தொடர்பும் இல்லை.அன்று மோதல் தவிர்ப்புக்கான முயற்சிகளில் நாம் ஈடுபட்டோமே தவிர விடுதலைப் புலிகளை பலவீனப்படுத்தும் நோக்கத்துடன் செயல்படவில்லை. அது ஒரு மனிதாபிமான நடவடிக்கையே ” என்று பதிலளித்தார் அலி சாகீர் மௌலானா. இதற்கிடையில் நேற்று நாடு  திரும்பியதும் அவர் ஜனாதிபதி மஹிந்த ராஜபக்ஷவைச் சந்தித்து தனது ஆதரவைத் தெரிவித்துள்ளார்.

வீரகேசரி

.

Lankamuslim-ED-Groups:

lankamuslim-ED-Groups இன் பணிவான வேண்டுகோள் உங்களின் பத்திரிகை மீள்பார்வை (இதழ் 187 இல் 11 டிசம்பர் வெள்ளிக் கிழமை வெளியான ) பத்திரிகைலும் , உங்களின் இணையத்தள இதழிலும் “புதுமுணைப்புடன் உருவாகி வரும் மேலாதிக்க போட்டி இலங்கை முஸ்லிம்களை நேரடியாக பாதிக்குமா? ” என்ற தலைப்பில் கட்டுரை ஒன்று வெளியாகி இருந்தது இந்த கட்டுரை M. ஷாமில் முஹம்மட் Lankamuslim-ED-Groups இன் குழுமத்திக்கு எழுதி இணையத்தள குழுமத் தளயங்களில்  டிசம்பர் 3 ம் திகதி வெளியானது இந்த கட்டுரை உங்களின் இதழ்களில்  தணிகைகளுடன் வெளிட்டதுடன்   M. ஷாமில்  முஹம்மட் என்ற பெயரையும் முன் எழுத்துகளுடன்  முறையாக குறிபிடவில்லை என்பதுடன் எமது  இணையத்தள பெயரும் குறிபிடபட வில்லை  இது பற்றி M. ஷாமில்  முஹம்மட் உங்களின் கவனத்திற்கு கொண்டுவந்ததாக எம்மிடம் கூறினார் எனவே தயவு செய்து “மீள்பார்வை” தான் மீள் பார்வை இடும்போது இவற்றை கவனத்தில் கொள்ளுமாறு மிகவும் பணிவாக நாம் வேண்டுகிறோம். எமது இணையத்தளயங்களில் வெளியாகும் ஆக்கங்களை முழு விபரங்களுடன்  தாராளமாக எவரும் மீள் பதிவேற்ற முடியும்  என்பதையும் குறிபிட விரும்புகிறோம்

நாடுதிரும்பிய  ஐ.தே.க.வின் முன்னாள் பாராளுமன்ற உறுப்பினர் அலிஸாஹிர் மெளலானா நேற்று நண்பகல் ஜனாதிபதி மஹிந்த ராஜபக்ஷவை சந்தித்து உரையாடினார்.

அலிஸாஹிர் மெளலானா நேற்றுக் காலை 8.55 மணியளவில் கொழும்பு கட்டுநாயக்க சர்வதேச விமான நிலையத்தை வந்தடைந்தார்.

விமான நிலையத்தில் வைத்து அலிஸாஹிர் மெளலானாவை அமைச்சர் விநாயகமூர்த்தி முரளிதரன், ஆளுநர் அலவி மெளலானா உட்பட மட்டு. மாவட்டத்திலுள்ள அவரது ஆதரவாள ர்களும் ஒன்று சேர்ந்து வரவேற்றனர்.

இதன்பின் அலரிமாளிகை சென்ற அலிஸாஹிர் மெளலானா ஜனாதிபதியை சந்தித்தார். ஜனாதிபதித் தேர்தலில் ஜனாதிபதி மஹிந்த ராஜபக்ஷவை ஆதரிக்க அலிஸாஹிர் மெளலானா தீர்மானித்து ள்ளார்.

கொழும்பிலிருந்து யாழ். நகருக்கும் யாழ்ப்பாணத்திலிருந்து கொழும்பிற்கும் ஏ-9 பாதையூடாக பயணம் மேற்கொள்ளும் பொது மக்களின் வாகனங்கள் இன்று திங்கட்கிழமை முதல் எந்தவித பாதுகாப்பு அனுமதியும் பெறத்தேவை இல்லை என அரசாங்கம் அறிவித்துள்ளது.

நேற்று முன்தினம் மாலை பம்பலப்பிட்டி சரஸ்வதி மண்டபத்தில் அகில இலங்கை இந்து மாமன்ற உறுப்பினர்களுடன் இடம்பெற்ற நிகழ்வு ஒன்றில் கலந்து கொண்ட ஜனாதிபதியின் சிரேஷ்ட ஆலோசகர் பஸில் ராஜபக்ஷ இந்த அறிவித்தலை விடுத்தார்.

கல்முனை வடக்குக்கு ஒரு செயலாளரை நியமிக்கவேண்டும் என்ற ஆலோசனையின் பேரில் எடுக்கப்பட்ட அமைச்சரவை தீர்மானம் ஒன்று, கடந்த 16 ஆம் திகதி அமைச்சர் பேரியல் அஸ்ரப் எதிர்த்தமையை அடுத்து திரும்பப்பெற்றுக்கொள்ளப்பட்டுள்ளது. எனினும் முஸ்லிம்கள் பெரும்பான்மையாக வாழும் கல்முனையில், கல்முனை வடக்குக்கு ஒரு செயலாளர் நியமிக்கப்படுவாராக இருந்தால் அது முஸ்லிம்களுக்கு பாதகங்களை ஏற்படுத்தும் என பேரியல் அஸ்ரப் தெரிவித்தமையை அடுத்து அந்த முடிவு திரும்பப்பெறப்பட்டுள்ளது. கருணாவின் ஆலோசனைப்படி புதிய கல்முனை வடக்கு பிரதேச செயலாளர் பிரிவு உருவாக்கப்படும் போது 27 ஆக இருந்த கிராமசேவையாளர் பிரிவுகள் 29 ஆக அதிகரிக்கும் என தெரிவிக்கப்பட்டிருந்தது.

பஸில் ராஜபக்க்ஷ நேற்றுத் தெரிவிப்பு:

யாழ்ப்பாணத்தில் இருந்து ஏ9 பாதை யூடாக பயணம் மேற்கொள்ளும் போது மக்களின் வாகனங்கள் நாளை திங்கட்கிழமை தொடக்கம் எந்தவித பாதுகாப்பு அனுமதியும் பெறத்தேவை இல்லை. ஜனாதிபதியின் சிரேஷ்ட ஆலோசகரும் வடக்கு மீள்குடியமர்வு மற்றும் அபிவிருத்திக்குமான ஜனாதிபதி செயலணி யின் தலைவருமான பஸில் ராஜபக்ஷ இந்தத் தகவலை வெளியிட்டுள்ளார். பம்பலப்பிட்டி சரஸ்வதி மண்டபத்தில் அகில இலங்கை இந்து மாமன்ற உறுப் பினர்களுடன் நேற்று மாலை இடம்பெற்ற நிகழ்வு ஒன்றில் கலந்துகொண்டு பேசுகை யில் அவர் இப்படிக் கூறினார்.

வடக்கில் இருந்து கொழும்பு வந்த வர்கள் எந்தவித பதிவுகளையோ அல்லது அது தொடர்பான நடைமுறைகளையோ இனிமேல் மேற்கொள்ளாமல் மீண்டும் அங்கு பயணத்தை மேற்கொள்ளலாம் என் றும் பஸில் ராஜபக்ஷ தெரிவித்தார். யாழ். மாவட்டத்தில் பொதுமக்கள் பாதுகாப்பு அனுமதி  (கிளியரன்ஸ்) பெறும் நடைமுறை கடந்த மாதம் முழுமையாக நீக்கப்பட்டதையடுத்து பொதுமக்கள் ஏ 9 பாதையூடாக சுதந்திரமாகப் பயணம் மேற்கொண்டு வருவது தெரிந்ததே